Andófshreyfingar

"Verulega nytsamleg þekking": Marxismi, fjöldahreyfingar og samskipti aðgerðasinna og fræðimanna.

Sociology - Laurence Cox 200x112.jpg

Íslandsdeild Attac, Reykjavíkurakademían og Róttæki sumarháskólinn halda opinn fund með félagsfræðingnum Dr. Laurence Cox laugardaginn 21. mars kl 14 í fundarsal Reykjavíkurakademíunnar, Þórunnartúni 2, 4. hæð. Umræðuefnið verður Marxismi, fjöldahreyfingar og samskipti aðgerðasinna og fræðimanna.

Frá því um aldamót, og sérstaklega síðan fjármálakreppan hófst, hefur fjöldabarátta náð sér verulega á strik um allt norðurhvel jarðar, og á sama tíma hafa miklar hræringar á sviði stjórnmála endurnýjað valdakerfi Suður Ameríku. Einnig hafa orðið uppreisnir í Miðausturlöndum og annars staðar. Um leið hafa fræðilegar rannsóknir á fjölda- eða félagshreyfingum farið vaxandi, en alltof oft er verið að tala um hreyfingar frekar en við þær. Því gleymist of auðveldlega hversu fræðin hafa þegið mikla þekkingu frá reynslu fjöldahreyfinga á jafn ólíkum sviðum og marxisma, femínisma, vistfræði, gagnrýnum fræðum á sviði kynþátta og þjóðflokka, félagssögu og munnlegri sögu, sögu homma og lesbía, hinseginfræðum o.s.frv.

Sumarháskóli evrópskra félagshreyfinga, París ágúst 2014. I

Tveir fulltrúar íslensku Attac-samtakanna, Sólveig Anna Jónsdóttir og Árni Daníel Júlíusson sóttu sumarháskóla evrópskra félagshreyfinga, sem haldinn var í París 19.-23. ágúst síðastliðinn. Hér verður gerð grein fyrir umræðum á nokkrum málstofum sumarháskólans.

Uppreisn örvæntingarinnar

krise_til_opstand_cover.jpg

Mikkel Bolt og greining hans á samhengi kreppu, nýfrjálshyggju og uppreisnarbylgjunnar frá 2011.

Danski listfræðingurinn og marxistinn Mikkel Bolt hefur sent frá sér bókina Krise til opstand, með undirtitlinum Noter om det igangværende sammenbrud. Bolt hefur tekið virkan þátt í umræðu vinstri sinna í Danmörku um nokkurra ára skeið og er þekktur í þeirra hópi. Í bókinni gerir Bolt tilraun til að fá yfirsýn yfir félagshreyfingar s.l. ára, sérstaklega uppreisnir víða um heim frá 2011, og leitar skýringa í kreppu kapítalismans, sem hann segir hafa verið í gangi alveg frá 8. áratugnum. Hrunið 2008 hafi aðeins verið nýjasta og alvarlegasta birtingarmynd þessarar kreppu hingað til. Ekki sé um að ræða einhverja tímabundna niðursveiflu, sem við getum beðið eftir að líði hjá. Kapítalisminn gangi einfaldlega ekki upp lengur.

Er hægt að „velja sér“ andkapítalisma?

Róttæki sumarháskólinnRóttæki sumarháskólinnAð venju var margt áhugavert að finna í dagskrá Róttæka sumararháskólans sem nú er lokið. Meðal efnis voru umræðuhópar um "Niður með auðvaldið! Um andkapítalíska baráttu innan íslenska vinstrisins" í umsjón Sólveigar Önnu Jónsdóttur og Viðars Þorsteinssonar. Hér birtum við vangaveltur Sólveigar um Andkapítalisma og umbætur sem hún lagði fram til umræðu í sínum hópi.

Ávarp Alter Summit ráðstefnunnar í Aþenu 7. og 8. júní 2013

Alter Summit ráðstefnan verður í Aþenu þann 7. og 8. júní 2013

Stefnuyfirlýsing almennings

Sameiginlegar og aðkallandi kröfur okkar um lýðræðislega, félagslega, vistvæna og femíníska Evrópu.

Endum niðurskurðinn, áður en niðurskurðurinn eyðileggur lýðræðið!

Evrópa stendur á bjargbrúninni og starir ofan í hyldýpið. Niðurskurðarstefnan ýtir almenningi í Evrópu útí fátækt, ógnar lýðræðinu og tætir í sundur velferðarkerfið. Neyðarástand ríkir í þeim löndum sem verst verða úti, á meðan vaxandi ójöfnuður eyðileggur samfélagið.

Yfirlýsing Íslandsdeildar Attac vegna mótmælanna á Spáni.

democraciarealya01.jpg

Attac á Íslandi fagnar mótmælunum í Madríd og mörgum öðrum borgum Spánar og styður þau heilshugar. Við óskum Spánverjum til hamingju með að svo öflug og víðtæk mótmæli skuli hafin. Þúsundir manna hafa farið út á götur, hertekið torg, reist tjaldbúðir og hundsað andlýðræðislegar fyrirskipanir lögreglu og dómsstóla um að láta af aðgerðum. Spánverjar hafa nú tekið forystu í hinni alþjóðlegu baráttu gegn niðurskurði í velferð, félagsþjónustu og annarri samfélagsþjónustu.

Málfrelsið er til þess að vernda óvinsæla tjáningu

níumenningar.jpg

Takk fyrir að bjóða mér að vera með.

Ég ætla að velta aðeins fyrir mér málfrelsinu að því leyti sem það tengist máli nímenninganna og atburðunum 8. desember 2008 - en fyrst langar mig til að útskýra hvað það er sem ég á við með málfrelsi.

Alþjóðlega samfélagsþingið (World Social Forum) í tíunda sinn

Mánudaginn 25. janúar var Alþjóðlega samfélagsþingið (World Social Forum - WSF) sett í bænum Porto Alegre í Brasilíu og var því fagnað að þetta er tíunda þingið. Hið fyrsta var einnig í Porto Alegre í janúar árið 2001.

Þá var mikill uppgangur í andófshreyfingunni gegn hnattvæðingu og nýfrjálshyggju eða Alþjóðlegu réttlætishreyfingunni (Global Justice Movement), eins og farið var að kalla hana.

Syndicate content